"Aruhhh... kebus guminé Dé.... jeg ngaap kulité déngdéng ai...!," Wayan Gembul Darma Negara éngap2 teka sada mésbés kancing bajuné nyapa I Madé Cool Dingin Nyem ané sedeng asik nyelélég di saka balé bengongé. Ajaka dua suba majanji matemu ditu di Bukit Jati Gianyar lakar mapaitungan bisnis.
"Ae nok Yan... cang masih ngerasang opek tuni di jalan. Tapi sekat cang teked dini negak jeg tis ngeruing matané puk.. hahaha... Mula dueg cang ngalih tongos ketemuan ne Yan..!," I Madé kenyem2 sada matané kapah makijepan nolih balé bengong di sampingné. Wayan Gembul Darma Negara sada paling nepuk tingkahné I Made masaut sing ja makipekan nolih déwékné ané mara teka.
"Apa tolih cai to dé? Jeg aéng degengné?"
"Biasa Yan.. pemandangan bajang2é jani jeg satata ngae bayu waké tua truna kembali.. mimihh.. céléngané ngenah.. duhh Yan.. to tolih di aep cangé, ada suécan Widhi nyekala puk.. mihh putihné.. Jeg sémok sintal semampai.. Semeter tak sampai pandangan icangé né..".
Mara kéto abetne I Madé Cool Dingin, mara I Wayan Gembul Dharma Negara ngerti kin maksud I Madéné. "Behh dong bajang ABG mabaju kuangan bahan tolih cai kanti ngetél keto paesé Dé..! Ckckck.. inget umur, nto idepné saih umur panaké jumah Dé! Da ja soléh2 entanina napa!"
"Hehehe.. hiburan adané Yan.. ango panyelimur!"
"Men cai ngorin cang mai nak ada apa kar itungang? Koné kar bisnis, bisnis apa né?"
"Ihh saja.. sap kanti bana, gara2 nepukin jit padet sintal.. aruhh....Né bisnis maid méteran Yan.. mabarisan adep kanan adep kiri né.. To tanah dajan desan Yané ada infestor asing né berminat ngaé bisnis perak ditu!"
"Dadi calo tanah? Auk ahh.. cang ing bareng2.. Cang nu inget kin tutur rerama, sing pesan baanga cng ngadep tanah.. nto patuh gen kin ngadep i mémé pedidi, mapan tanah nto ibu pertiwi oraanga!".
"Yehh né bisnis luung.. Mapan bisnis ento né paling sukses jani di Bali Yan..! Buina iraga kar maan komisi gedé né!"
"Ahh cang sing ja bareng2 Dé.. apa buin orang asing né kar meli tanah Baliné..! Sing ba cang setuju. Ilang taksun Baliné bana..! Ci gén ba padidi..! Elekang dik ragané.. dadi nak Bali ngadep2 tanah sing gelah iraga.. nto tuah titipan Widhi....", kondén pragat munyiné I Wayan saget baanga tanda mendep kin I Madé.. sada matané I Madé ngancan nengéng nolih bale bengong di samping, kanti matingtingan jitné I Made uli bujun balé nyekenang nolih bajang ABG di samping. I Wayan Gemul Bela Negara kitak-kituk dogén nepukin tingkah I Madé, sada munyinipuné kekacangin.
"Duhh yaann.. bangun wayan ongol cangé.. mimih.. menain tali BH ye puk.. aruhh.. moleh putih gading nyonyoné.. Yen ne bakat ban nakep amat liang bayuné..!"
Wayan Gemul makipekan nolih bajang2 ané ada di bale bengong sampingné laut ia nengkik.
"Woé Luh..! Da dini menain tali BH.. melaang bana mapanganggo jumah.. pang sing ladlad-lédléd di jalané..! Sing san nawang etika.. sing san ngajiang raga bajang. Né kéné ba ngaé nak muani terangsang.. yen perkosana ibané di jalan nyén kar ngundukang?!! Mulihhh....!!"
Madé Cool Dingin makesiab ningeh dengkikané I Wayan. Sada ulung ia makakeb betén di undag balé bengongé. Bajang2 ABG-né melaib niwang pati kaplug nyujuh motorné laut magedi.
"Aduhh Yaannn...!! Wayan Gemul cai..! Makesiab cang..! Duhh ilang pemandangan jit sintal cangé..! Len awak sakit makakeb..!
"Hahahaha... upah to dé.. silapin jit sintal célengane! Wkwkwka..."
Puput
-PKJ-
Posting Komentar
Posting Komentar