Daweg puniki brayané akéh pisan nakénin tiang, "Dek.. Galungan sing mulih ke Bali? Sing maan libur? Nyanan sing maan Ngagalung nyen!"Apik pisan nyaman-nyaman tiangé matakén asapunika, tau kin tiang di tongos rantauan selat pasih, akéh pada nyapatin ngorain mulih.
Dumun sadurungé tiang ring genahé mangkin (Kendari-Sulawesi Tenggara), daweg kantun ring Jakarta, pateh asapunika patakéné sané katiba ring tiang.
Minab nyaman-nyaman tiangé ring Bali tan ja tatas uning kawéntenan warga Hindu ring luar Bali. Gumanti pateh kawéntenané, patuta ngarainin ring Bali, ring rantauan taler asapunika. Patuta ring Bali makarya banten upakara, iriki ring rantauan taler asapunika. Nak pateh, sakémaon mabinayan genah kémanten.
Sané dahat ngaénang tiang kedék, wénten taler matakén, "Dék di Jakarta kar Ngagalung ae? Ada pura ditu?"
Sautin tiang kanti ping telu ping pat, "Ada...ada...ada... Pura bek dini bli..! Sing kuangan tongos mabakti dini," pasaut tiangé.
"Ooo.. ada pura ditu, kadén nak sing!", kénten pamuput raosé.
Sujatiné indik paripolah krama Hindu Baliné utaminnyané, nak pateh ring rantauan lan ring Bali. Punapi ja tabuhé ring Bali, punika taler kabakta ring rantauan. Sané sampun madué genah pajongkokan (umah) néwék, pastika sampun wénten sanggah ring bucu kaja kangin umah ipuné. Pura khayangan tiga taler iriki ring genah tiang mangkin di Sulawesi taler wénten. Genep sami wénten.
Indiké puniki sampun patut kasobyahang ring sameton Hindu Baliné ring Bali. Sampunang jejeh merantau keluar Bali ulian jejeh tan polih ngagalung utawi ngerainin kadi ring Bali. Driki ring rantauan nak pateh nyen cara di Bali. ƗƗèƗƗéƗƗëƗƗěƗƗě..... ^_^
-PKJ-
Posting Komentar
Posting Komentar