Dugas dina anu, yen sing peluh, ehh pelih, Malam minggu. Nang Tegteg ane ngelah geginan dadi sopir taksi maan sip malam, sedeng asik ia ngalindeng disekitaran Kuta ngalih penumpang, saget ada nak muani-muani potongane cara preman ajaka 3 nyetop taksine, tur gageson sambilanga srandang-srendeng macelep ka tengah taksine.
"Mejalan pak, enggalin dik ateang cang mulih, cang ngampet tai ne nok.., makita meju ne..! di bar mara cang sing juari meju cih..!"
Nang Tegteg jejeh pesan bayune wireh ne nengkik preman ane awakne paling siteng. Ane bin dua negak kenyem2 sambilanga matane nelik. "Mihh.. barak2 matan jelemane ajaka telu ne, sinah suba jelema mabuk bakat ne! Beh sing suba kar maan ongkos apa taksine, rugi ba karne!"
"Enggalin dik idupang mobile...! Mejalan tes.. makelo san ci ne.. katandalang cang nas cine nyen..!"
"Ngih pak.. ngihh.. mangkin ampun!".
Nah ditu lantas nang Tegteg ngelah daya, mapan tau ane menek taksine jelema mabuk, taksine kaidupang mesine lantas gasa laut matianga.
"Ampun teked di tujuan niki..," Nang Tegteg ngorain penumpangne.
Preman ane awakne paling gede laut ngenjuang pipis tur pesu ling taksine. Preman ane nomor dua pesu sambilanga ngorang suksma. Nang Tegteg liang pesan bayune maan nguluk2 preman-premane totonan. Nah, preman ane nomor telu sing tau-taunang ngalangseg jok sopire ngawe Nang Tegteg tengkejut laut ia nengkik.
"Kleng ci nok.. Supir taksi bangsat..!!"
"Ampura pak, dados uuyut ngelangseg jok kenten?," Nang Tegteg jejeh pesan dayane tawanga ajak preman ane siduri pesu.
"Woe ngelah SIM ci apa sing? Mani-manian adengang ngaba mobil nah, da ngebut-ngebut cara mara! Yen cang ajak timpale celaka ci nyak tanggung jawab? Ahh sopir taksi lengehh...!!", laut premane ento pesu uli taksine.
"Ohh... aget..aget..!," Nang Tegteg laut enggal stater gas laut macuess..
(PKJ'2014)
Posting Komentar
Posting Komentar