Gelar - All get in

Masekolah kanti tegeh,
Sing cukup kanti SMA,
Yen nyidang apang dadi sarjana,
Apang adané maimbuh gelar,
Gelar sarjana, master, doktor,
Yen nyidang apang kaanti profesor,
Pang renyep yen nulis adan,
Pang ngon brayané nepukin,
Diaep di duri adané maimbuh,

Yen magelar sing benya dadi sombong,
Pang da ulian gelar ngaé iraga buta,
Peplajahané tegeh nanging tan pasusila,
Gelar sing dadi anggon gelar-gelur,
Apang maan tongos baduur,
Patut bisa ngejang kabisaan,
Patut bisa ngadokang kagunan,
Apang liu anaké ngajiang.
(PKJ'15)