Kadung iseng admin SA googling ngalih gambar, nyingak lantas gambar capung, jeg kadaut bayune nyarca adan capung, beneh kin pelihe unduk adan capunge ene nak mabinaan nyan soang-soang, pet prade ada ne mabinaan, diolas imbuhin nyen jro pamilet Suta Abimanyu. Suksma.
Cekidot jro..!!
1. Capung Engkuk
 |
| Capung Engkuk |
Capung Engkuk niki jeneng capungne Poleng cara tentara, dadi masih orang capung Abri. Hehehe...! Keneh admin ngorang gen ja. 😁😁 Capung niki jangin clengis laut pepes jaen gati jro.
2. Capung Gandok
 |
| Capung Gandok |
Capung Gandok niki biasane pesu pas nak suud manyi, bek ba di duur ngindang, gede-gede gis awakne, yen medem di punyan kayune pepesan magantung ye. Yen pidan tiang nyapung, niki capung paporit tiange. 😀😀
3. Capung Gambir
 |
| Capung Gambir |
Niki Capung Gambir adanina jumah tiange, mapan warnane barak cara gambir. Biasane ada di tongos-tongos dayu, paek tukad, telabah utawi tegalan. 😅😅
4. Capung Sereong
 |
| Capung Sereong |
Niki adanina Capung Sereong. Apa madan sereong? Sing ba tawang tiang niki. 😆😅😅
Pokokne jumah keto adanina, mabinaan warna jak ukuran teken capung engkuk niki. Warna cara macan gelahanga ajak capunge niki.
5. Capung Lekitikan
 |
| Capung Lekitikan |
Nah niki capung rumahan yen di Desa. Capungne ukurane cenik, sangkal adanina Lekitikan, ulian cenikne. 😁😁 Biasane di alun-alun liu ada capung kene, makeberne endep-endep doen.
6. Capung Memedi / Capung Jaum
 |
| Capung Memedi/Capung Jaum |
Ada nak ngorahang Capung Memedi, wireh tongos idupne di serbi-serbine, samping abing, tukad, paek semer. Ada masih nak ngorahang Capung Jaum, wireh awakne cenik lantang cara jaum. 😂😂
===================================================
Nah, amunika dumun jro pamilet Suta Abimanyu (SA) sareng sami, pet prade wenten malih sane uning adan capun lan gobane ane matiosan, wewehin ngih... 😁 Anggen melajah bareng-bareng. Suksma.
Posting Komentar
Posting Komentar