N : Ning, tepuk banjiré di Jakarta gedé sajan? Ideh2 banjir dtu..!
M : Sing nang..! Nanang pidan maan ka Jakarta?? Kadén tepukin icang jumah dogén nyengku?
N : Hemm...?! To di TVné nok....! Sangkalanga yen mabalih TV da mabalih film Korea jk gosip2 artis dogén! Berita kapah2 pebalih naé..! (Grimutan)
M : Ohhhh... ciyuss nang...? Miapah?
N : Ahh.. basa apa buin to? Dadi nanang sing kresep apa petang cai..?! Nanang ngorahin cai mebalih berita jeg ke mi lakuna? Nanang ada sing nanjenin cai mi!
M : Nééhh tohh...! Basa gaul né nang.. Basa anak muda jaman jani adané..! Sangkal yen mabalih TV da naé mbalih berita dogén! Sinetron jk infotaiment naé pebalih masih..! (Kedék ka tundu I Méngong maan malikang munyi)
N : Raré méngong sugaalll....!! Da nanang ajakina ngomong raos badil2 kéto..!!
M : Mihh ratuhh gedeg sagét nanang puk..! Sory nang.. sory...! Men éngkén unduk banjiré to? Apa koné ngranayang?
N : Pang tawang cai, banjiré ento sing ja len tuah yéh né ngranayang!
M : Nanang kebus dingin né nang? Icang suba nawang yéh ané ngranayang banjir...! Sakéwala ngudyang kanti yéhé gédé tur ngaénang banjir???? (ngadésem nolih Nang Tegteg)
N : Ohh saja, sap kanti nanang ulian inget jak munyin caine Ngong..! Ciyuss.. ciyuss to..! Hahahaha....! Kéné to nyen, ngudiang ada bencana, ento ulian i manusa engsap idup madampingan ajak alam ané makada banjiré ento pang tawang cai. Engsap tekén Tri Kaya Parisudha, tetelu ané ngawénang idupé bagia di guminé. Abesik, hubungan manusa kin Widhi; dadua, hubungan manusa kin alam; ané nomer telu hubungan manusa ngajak paturu manusa. Tungkula manusané ngenehang Widhi ajak Manusa gen, alamé pepes engsapanga. Cara jani manusané liunan ulap baan pipis, asal ada pipis makejang putihe dadi selem! Lahan hijau jani suba sayan nelah2ang, carik suba tanemina beton, abing suba dadi villa, hotel, pantai miwah gunung suba dadi bar, dadi restoran. Alas ane ngelah fungsi dadi daerah resapan yéh ané misi punyan2an gedé2 suba gundul, erosi kabaosang cara janiné. Ulian anaké ngawag ngebah punyan kayu, ulian bedak kin pipis, sing mikir ke depané kénkén! Musim ujan lantas cara janiné, bes gedé debit yéhé sing kuat gunung lan alasé ngisep yéh ujané, ngawetuang lantas blabar agung. To suba ané kabaos banjir.
M : To ané ngranayang Nang, ulian iraga sing rungu kin alam?
N : Ae...! Buina manusané jani sing dadi atur. Cara cai kekéto, demen ngutang luu/mis ulah laku ka goté. To makada saluran yéhé macet, gedé san yéh né teka, maluab yéh goté lantas. Telah luluna jalan aspalé kanti benyah baan yéhé..!
M : Ahhh.. cang mara ngutang ka goté gén nanang ba séwot..! To I Lubak satata ya ngutang luu ka tukadé, bilang wai ya kéto. Nyak ja luung leh umahné sing misi luu.
N : To buin jelékan cening..! Ngutang luu di tukadé ngranayang tukadé daki. Kadén yéh tukadé nu liu anaké nganggon manjus lan manting?! Ada buin ané aliha anggona yéh minum lan nyakan, jani daki lantas yéhé, di tebénan dong ludih ja?! Buina yén bes liu luuné madugdug di tukade bisa ngawénang saluran tukadé mampet tur yéhé maluab, imbuhin ujan lantas, sinah suba ngranayang blabar agung, banjir buka ané mara ortaang ento..!
M : Ohhh... kéto nang, nah uling jani icang majanji sing lakar ngentungang luu di got muah di tukadé buin, apang sing ngawénang banjir. Buina icang lakar ngajak timpal2é apang enyak mamula punyan2an padung abesik anggon penekek ngisi tanahé tur apang ada resapan yéh tatkala ujan nang. Cocok to nang....???
N : Nahh... to suba luung itungan cainé...! Né mara ja pianak Nanang Tegteg adané...! Hahahaha....!! Mamula punyan2an to nak mula saja melah. Men unduk luuné ija jani cai lakar ngentungang??
M : Ngudyang nanang sibuk...? Jani icang jumah suba bebas tugas... jeg depang da sampatanga nang.. pang sing iraga pelih ngentungang luu..! Kadén nanang ngrin mara....??!
N : Adahhh.... lacur suba dayanin suba..... Méngong... Méngong....!!! (Grimutan)
--PKJ--
Posting Komentar
Posting Komentar