Uyang

Ujan …..Angin…..
Kilap tatit paseliwer
Tangkahe ngrudug nyaihin guntur
Kenehe kahampehang angin joh sawat
Suwung nerawang neruwung
Linggah ambarane
Sawat langite
Lesag limbak kajekjek kenehe paling

Ujan…..Angin….
carang carang kayu pada lung
mulisah nyihnayang raga tanpa arti
meguyang ngetohang pongah
ngantosang anak holas ngaba supat
ngundukang kenehe dadi maguna

Ujan….Angin
Klep krebek saling pesaurin
ketug tangkahe nyap nyap di pangipian
Peteng riyet gradag grudug
grayat gruyut
Kenehe nyangket di carang kayu lung.

NB : Puisi Bali saking sameton Wiadnyana Idp (Krama Group Mabasa Bali ring FB : Wija Kasaur)

Related Posts

Posting Komentar

Subscribe Our Newsletter