Om Swastyastu, Sameton Sutha Abimanyu sané banget sihin titiang. Duhh.. ampura pisan niki, saking sué titiang tan polih mosting tulisan utawi orak-orék iriki ring Bloger. Gumanti né mangkin makruyuk godél, némbé titiang ngrauhin malih.
Para pamilet sané kantun satia macecingak ring Blog Mabasa Bali titiangé puniki pastika matakén, "Ija Admin Sutha Abimanyu sing taén ada ngenah buin postingané né?" Inggih, né mangkin aturuningayang titiang amatra. Boya ja titiang kelintang sibuk utawi nénten madué galah nulis, sakémaon indik inspirasi titiangé ungkuran puniki padem. Kadi tembang saking Kacari Band, inspirasiné mati. Tusing ada ide, tusing ngidang nulis, tusing ada posting. Nika gumanti pikobit ageng ring sajeroning idep titiangé.
Titiang néwék marasa-rasa sampun akéh kélangan momen penting jagi kanggén postingan, sakadi pilgub Bali sané sampun lintang, kasus daging sapi lan paa nah luh, miwah sané lianan (msl.) sané becik anggén titiang pitutur lan gegonjakan ring lebel utawi pérangan kategori "Satua Satondén" lan "Nang Tegteg lan I Méngong".
Ngarereh inspirasi punika gumanti daat sukil pisan, kadi mangkin (Soma,3/6/2013) ngedaslemah wawu titiang makita makarya orak-orék kanggén postingan. Niki semaliha titiang nyambil gulak-gulik nimpalin somah titiang sané arip/kiap saking inuni lan sampun sirep geris-geris né mangkin. Aget wénten teknologi canggih kadi mangkin hp berbasik perangkat android, prasida titiang nulis nganggén aplikasi blogger for phone. Niki patut kasuksmayang pisan ring dewa google, santukan mempermudah para blogger mengakses portalnyané.
Mawali ring inspirasi mati,Minabang nénten ja titiang kémanten sané madué kaanan kadi puniki, penulis-penulis tiosan pateh ja minab madué aab transisi, antuk manah ngemedin makarya sesuratan/postingan ring portalnyané santukan inspirasinnyané mati, telah idené, rerambangané ilang plaibang gamang minab. Hehehe...!
Pengaptin titiang néwék, dumadak ja nénten nerus kawekas titiang kadi puniki, mangda nénten keciwa taler para sameton Sutha Abimanyu sareng sami. Mapan, kocap sampun becik wenten web mabasa Bali ring internet, kanggén jalaran ngalestariang budaya Baliné, utamannyané basa Bali. Semangat menulisss....!!! Merdekaas...!!! ƗƗèƗƗéƗƗëƗƗěƗƗě..... ^_^
Btw, Yéning ida dané madué kritik lan tips miwah pitakén muang pesenan tulisan, rarisang unggahang ring kolom komentar ring sor utawi ring chat box.. dumogi ja titiang prasida nagingin lan ngalédangin manah para blogger ring dunia maya sareng sami. Puputang titiang antuk, Klungkung semarapura, kirang langkung nunas ampura. Salam rahayu.
Posting Komentar
Posting Komentar