Jani-jani ne di Bali liu pesan matanjeban papan matulis "Dijual Tanah/Land for sale", jeg ideh-ideh anake malomba ngadep tanah, ideh-ideh manusane malomba dadi calo tanah!! Ngalih pipis ulian aluh, sing magae ada pipis. Ngidaang mamotoh, ngalue, mamunyah! Sing tawang ibane uluk-uluka.
Ratuuu Bhatara...! Dados kene kawentenan damuh duene? Ngadep pertiwi doen gaene ulian ulap kin pipis agepuk. Magae daki jani generasi muda Baline suba gengsi kone..! "Megae ka carik ngawai apa kar pakpak? jani jaman pariwisata, suud megae ka carik, ka vila, ka hotel magae jani, nah paling enduk dadi PNS..", "Megae ke carik? Nen nak bajang sing ada paek nyen...!", tohh... kaketo doen munyin para Yowana Baline ane dingeh. Bedag kakine apa. Apane ne pelih ne nah? Yen makejang ngadep tanah tegal carik, dong uyak pendatang gumi Baline telah toh? Ija kar makisid Bhatari Sri Rambut Sedana? Ke Kafe? Bedag apa..!! Aruhhh... puruh tendase ngenehang. Ne ada warisan nak lingsir abedik di desa, kadirasa nundikin sertifikatne sing bani. Kalingan ngadep nyen!
Dong ke... rataaaaaaa.....!! Juarine ngadep tanah..!! Wak lekad tara ja mabekel apa de! Kalingan tanah nyen?! Pis aketeng sing mabekel.. wak malalung, mati masih malalung sing mabekel apa..!! Mih juarine ngadep tanah warisan buin. Kuuukkanggg....!!!
Ne buin dingeh orta ada nyama Bali sing ngelah tanah karang, Adi cara jelema sisin tukad? nak engken adi bisa keto? Pidan ngelah pekarangan ija kar aba? Adep?! Adahhhhhhh..........!!
Engken ne desa adate? Uyak desa pakraman miyegan ngebutin tapal batas gen, ne tanah di desane adepa apa kar oraang? tampi2 gen komisine ae jro klian?? Tutur gen masepuk cara buk kena angin! Aruhhh.......!! S.E.B.E.T.
Nak Bali ne nu tegteg inget, suud monto ngadep tanah ngih.., pedalem panak cucune bin pidan sing ngelah tongos meju. Bali not for sale, da telah adepa tanah Baline ngih..!
Posting Komentar
Posting Komentar