ROKO - All get in

"Ngong... bedikin bané ngeroko! Kéto pelung bana bungut ajak isité, gigi kuning cara tai kéto! Aruhhh... resem megandem kéné ngelah panak..! Lek mémé tawang! Kadéna mémé sing taén ngrunguang panak ajak brayané..!" 

"Ahh.. mémé bes gelu..! Méh geli nyen..! Ngaroko sing dadi, minum sing dadi..! Apa buin..? Ngelah panak aukud magenep tombaanga.. patuh cara I Nanang..!"

"Ulian mémé ngelah panak aukud ba, mémé patutné ngidaang nuturin..! Né ngelah panak aukud kéweh baan nuturin, to pisagané patpat ngelah panak ngidaang bana nuturin.. lek mémé tawang Ngong! Ajiang mémé tua, yen dadi ké kebés bungut méméné nuturin sabilang wai, cai sing san ngaresepang nang abedik!"

Mén Iluh grimutan ngorain I Méngong ané sing pesan ngaresepang munyi. I Méngong oraina tekén méméné apang suud ngaroko malah mingkin nyajaang ngenjit roko diaep méméné, sumingkin ia nyengahin sambilanga mecil hp blackberryné. "Tung plit.. tung plit.. tung plit" Asik ia I Méngong ma-BBM-an.

Cepug-cepug kanti pecok pipiné nyiup roko jisamsu kretek ané belina uling bekel masukné tuni semeng. Yen takonang di SMA tongos ia masuk jeg suba ténar adan I Méngong inan kereta apiné di kantin sekolah. Guru BPné kanti menyama ngajak I Méngong, mapan sabilang minggu pindo pang telu ia kena razia sekolah, tepukina ngaroko nuju jam pelajaran di kantin sekolah. Sakancan ukuman suba taén jalanina, unu masih ia mamegeng. Bapané I Méngong, Nang Tegteg sabilang bulan maan dogén singgah ke SMA-né I Méngong memenuhi panggilan guru BP-né. 

"Woéé... Ngong, nyajaang san cai, nyengahin mémé... né taenang nas ibané, papahé né ngenén jani," Mén I Luh nyagjagin I Méngong sada nganggar papah lakar ngeplakin I Méngong. 

Tau tekén déwékné lakar kasengkalain, malaib I Méngong nyujuh gedong. Ditu Nang Tegteg ojoga ané sedeng tidur siang. 

Tau kén ibané kar bélanina ajak nanangné, énggal2 ia nundun nang Tegteg. 

"Naang, tulung naang.. tulung.. cang nagih cakcaka ajak I Mémé.. bangun nang...!," rokoné enu jepita di limané I Méngong. 

"Aduhh... né mara ja..! Ngudyang2an Luh né? Jeg nagih nyakcak panak kéto? Tengai2 kéné ba uyut jak panak..! Lek atiné dingeha ajak pisagané, sing dadi da uyut yen ngorain panak?"

"Nahh, bélanin ba panak bliné né, kéné ba bes manja, sakancan tagiha misi, tombaang abedik jani ba ngalawan".

"Nahh.. bli ba nawang éngkén undukné, uba dingeh bli uli kamaré luh nguyut panak. Kwala sing ja keto carané. Jani bli né ngorain ia. Entungang papahé, to panaké matinja ia duur kasuré mamucu. Nyeh kar keplakin Luh.."

Negak lantas Mén I Luh sambilanga ngangsur angkiané nguber I Méngong. Nang Tegteg lantas nyemak limané I Méngong maid apang tuun, tur roko di seletan limané ané mara atenga kasiup tumpelanga di asbaké ngajak Nang Tegteg. 

"Nahh jani negak malu onyangan. Oraina nyen Ngong, nguda Mémén cai né nombaang cai ngaroko. Luh nang jemak iPed bliné di buffeté, samping LED TVné, duur speaker aktifé".

"Ané cénan mada iPed bli? Ané cenik putih ené?"

"Ahh.. to hp samsung galaxy S4 adané! Né samping kunci mobil Juke apa!"

"Ohh.. ne layar tipis né madan iPed. Néh bli..!"

Nang Tegteg laut nyemak iPedné langsung conect lan brosing. I Méngong nu masih kijap2 nyeh lakar taltala ajak méméné. 

"Nah né ko ia... Ngong, nang tolih gambaré né.. cai dot pang kéné?!"

"Gambar apa to bli?"

"Nah baang malu panaké nolih luh.."

"Nang..Nang... Adi gambar bangké berek kéto édéngin nanang icang? Serem nang, da cang ketwanga.. cang kan panak nanang satu2né, masak nanang tega?!, Pleace Nang... sorry2 ne nang...! Diolas.... hiks.. hiks.." I Méngong laut ngeling suud nepukin gambaré totonan.

"Beli besbes..! Tiang kar naltal sing baang bli, né bli malah kar nuba pianaké kéto?!"

"Ndén malu uyut, sangkal dingeh malu..!"

"Ngong, nanang sing ja kar dot nuba cai, mapan nanang sayang ajak cai! Kewala iban cainé ané nuba awak padidi. Cai sing sayang kin raga, sing ngarunguang kesehatan. Kéné suba dadiné bin pidan cai..! Né suba akibat anak ané kereng ngaroko!"

"Kaden to di bungkus rokoné suba oraina, Merokok dapat menyebabkan kanker, serangan jantung, impotensi dan gangguan kehamilan dan janin, to ba cara gambaré né penadiné. Kondén buin bisa komplikasi penyakit lénan! Ngerti..?"

"Ohh kéto nang, nahh.. nah.. uli jani cang kar merérén ngaroko.., suer nang!"

"Béh merérén? Sing ja suud?! Yen merérén jani, bin mani buin cai ngaroko? (˘_˘)ck! (˘_˘)ck! (˘_˘)ck! "

"ƗƗèƗƗéƗƗëƗƗěƗƗě..... ^_^ Yen sing dadi ngaroko, pemerintahé patutné nyetop izin pabrik rokoné..! Ngudyang nu ada pabrik roko??!! Berarti pemerintahe mendukung iraga ngaroko nang...! Hihihi....!"

"%#@$%^&*##????!!??"

Nang Tegteg ajak Mén ILuh géléng2 kepala ningeh pasautné I Méngong.

-PKJ-