[XXX] Bali - Album Anyar "Welcome to Bali" - All get in

Foto kaambil saking [XXX] Bali

Sameton Sutha Abimanyu, kacunduk malih iriki ring portal titiange, genah shareing Basa lan Sastra Bali. Ring galahe mangkin titiang jagi shareing indik Tembang Bali. Ayoo.. sira sane seneng mirengang tembang Bali? Minabta akeh para krama Bali miwah Non Bali sane seneng mirengang gending Bali. Napi mawinan keto? Santukan gending-gending Bali mangkin sampun sayan kreatif lan inovatif pisan. Gender lagu Bali mangkin sampun ngancan ngalimbak, nenten ja Pop kemanten, wenten taler Rock, Dangdut, Jazz, R&B, Koplo, House Musik, Underground, Alternatif, lan sane tiosan. Ngancan mauraban model gending Baline mangkin. Pastika puniki ngawenang gending Bali sayan kasenengin antuk truna-truni, tua bajang, cenik kelih. 

Galahe mangkin titiang jagi nartayang indik Album terbaru saking [XXX] Bali utawi Triple X, Band Bali sane sampun malang melintang ring blantika musik Bali saking satu dekade puniki. Ngawit saking warsa 2003 antuk albumnyane "Duwenang Sareng", kalanturang 2004 "Jingkrak-Jingkrak", 2006 "Bikul Pisuh" pinaka album sane mendongkrak popularitas Triple X, 2008 "Sangut Delem", 2009 "Nak Bali", lan disampune petang warsa nyantos, album ke-6 Triple X "Welcome to Bali" Tahun 2013 puniki kamedalang ngarereh moment nyanggra tahun baru 2014. 

Album puniki kamedalang daweg rahina Soma, 9 Desember 2013 lintang. Petang warsa, galah album puniki kasiyagayang, sadurung album "Nak Bali", materi album ke-6 puniki sampun ngawit kapipilang. Pamuputne "Welcome to Bali" prasida kamedalang. Saking suene album puniki kagarap, ngawenang album puniki penuh warna-warni. Warna-warni sane maksudang titiang, ring album puniki nenten ja madaging lagu Bali kemanten. Niki album tiga bahasa, basa Bali, Indonesia, lan Inggris. Wenten roras tembang anyar ring albume puniki.

Ring Album ke-6 Triple X puniki madaging limang tembang mabasa Indonesia, sakadi: "Katakan Cinta Kepada Dunia", "Semakin Dekat Semakin Sayang", "Mencintai Tanpa Dicintai", "Kebo Iwa", dan "Dalam Kesunyian". Wenten tembang mabasa Indonesia lan Inggris ring tembang "Wake Up" lan tembang mabasa Inggris ring "The Island of God". Nah lagu mabasa Baline wenten limang tembang taler, imbang sareng tembang Indonesiane, inggih punika : "Welcome to Bali", "Dongkang Kipa", "Basang Seduk", "Panas", lan "Kaden Saja".

Album "Welcome to Bali" puniki wantah kasediang ring format CD Audio kemanten, kaset pita nenten tersedia. Maklum mangkin sampun jaman canggih, kaset pita sampun arang nake nganggen. Semaliha minat jual kaset pita ungkuran mangkin sampun nyansan kirang. 

Triple X pinaka format band formasi tetap rah Tu lan Rah Tut (vocal), Rah Mink (gitar), Rah Alit (drum), Rah Angga (Bass), lan Sila (Keyboard). Mangkin sampun komplit personil bandnyane saking album ke-3 "Bikul Pisuh"

Sane penasaran ring tembang "Welcome to Bali" dados nyingakin video ring sor puniki. Tembang Welcome to Bali versi Unpluged. (PKJ)