9 April 2014, hari Rabu, libur saya sing ngantor! Apa krana libur? yeh saja, nak pemilu jani, pemilihan legeslatif DPRD Tk.II, DPRD Tk.I, DPR RI, lan DPD! Nyoblos saja jani puk..!
Tapi jeg males asane kar nyoblos semeng2 san, adenan suba tengaian dik, keto ja keneh tiange ituni. Mumpung jani libur toh, jeg jaen asane kar maan libure. Kwala tetep apin libur jani saya bangune semeng2an gen puk! Saya sing ngerti masih jak matane, jani tumben2 selid suba kiap, bangune otomatis jam 5 semeng suba nyelenging matane. Hehehe... penyakit baru ne di idup sayane! Biasane nak asal libur jeg ba pasti saya bangun tengai..! Hoby..! Sangkala jeg cara celeng kene awak sayane jani! hehehe..! Lagut badane cenik dini jumah di Kendari. maju mundu, maju mundur, makan, blug pules..! Jeg enggal gede saya ne. hahaha..!
Ae, das engsap saya ngorang! Saya jani kan suba atiban ngoyong di Kendari, uli sasukat mutasianga ling Jakarta ento! BTW, Tawang ija Kendari to? Hehehe..., alne nak liu sing nawang ija gumi Kendari to! Kendari nika ibu kota provinsi Sulawesi Tenggara. Di Sulawesi saya jani tugas neeeeeeeeeeeee......!!
Saya ajak kurenane dini sing masuk DPT (daftar pemilih tetap) puk, cek di web KPU, nu tileh jumah di Bangli DPTne, kurenane ilang buin DPTne! Hehehe.. ija kaden lakuna to..! Plaibang gamang iriban! Nak okana pemilu 2014ne kar Golput (Golongan Putih), sing lakar milih, kewala jeg sing nyak sreg bayune puk, iraga warga negara yang baik buina abdi negara sing milih nak jelek sajan! Langsung saya daftar ke kelurahan tongose nongos di Kendari, gase abulan ada to, lakar daftar dadi pemilih!
Sepatutne ne sie suba dugase atiban tiang masukanga datane dini, dugas saya ngurus surat pindah jak indentitas di Kendari, KTP jak KK sayane masih suba warga Sulawesi uli atiban, kwala tetep ing masuk DPT! Hehehe.. nah, sing napa, manusa sing luput kin dosa, keto ja tuah paminehe! Langsung saya lanjut lapor ketua KPPS, trus oraina saya kayang pemilune teka gen ke TPS ne paling paek ling umahe ngaba KTP jak KK apang nyidaang nyoblos bareng, kone lakar masuk DPK (daftar pemilih khusus) di TPS ento.
Tunian jam 11 tengaine suud 3M (manting, manjus, maem), saya ke TPS 12 di Kelurahan Anawai, ne TPS ane paling paek jak umah sayane toh, ngaba foto kopi KTP ajak KK, jeg lengkap! Sadia lakar nyoblos....! Teked di TPS, saya segera lapor jak petugas KPPS ne ada ditu, kopi KTP jak KK langsung serahang saya, ngelapor bahwa saya konden masuk DPT di Kendari! Jeg senyum manis petugas langsung nyaplok matane ditu.. misi makejit! Nyen kaden petugase to, asan-asane kenal jak saya n kurenane! Hehehe.. saya engsap nyen kaden ya!
Negak laut saya ditu sambil matakon, oraina saya apang jam roras buin ke TPS, mapan jam 11 tunian nu diutamakan DPT ane terdaftar ditu! oke..., saya langsung pesu ling TPS, ngalih kurenane dapetang suba ngalin2 jeneng lan adan caleg ane kenalina..! Saya bareng nimbrung ditu, apang tawang masih info calegne! Nak terus terang, tuah tawang aukud san calege ne kar pilih to, I Ketut Guna Arta, caleg DPR RI nomor 2 partai NO.4. Ne lenan sing ba tawang nyen puk...!! Hehehe...!! Soroh adane misi La Ode ...., Wa Ode ....., nak nyama kedinian (sulawesi) gen! Yen di caleg ne DPRe dong dadi coblos partaine gen, ne DPDne ba, nyen pilih? Sing ada tawang! Nah keputusan nen di bilik suara, keto ja paminehe ituni. Pang cepet jeg ngidem kar colok, aget2an ye maan suara. hehehe..! Med nelokin gambar, langsung saya capcus ngajak kurenane mulih, sambil makan malu.
Jam tengah 1 lanjut saya buin ke TPS, ulian ngebet kar nyoblos ne..! Langsung negak di kursi tunggu, tengah jam lebih ngantosang beten terpal ane singet ai, kebusne nyinget kulit kanti bone angit cara sera pengit, buin bone cara tain kucit. Jam 1 tengai, satonden nyoblos misi ningeh nak makerah paturu panitia ulian jamne molor, nak majengatan ulian sing nyidang nyoblos, pocol kone ngantosang makelo ditu, kwala sing dadi nyoblos. Liu masalah di TPS tuni tepuk, tapi saya sing ambil pusing, to kat sangetang neh, urusang ja ibane malu! Hehehe...!
"Pak Pande, Ibu Made ....", tiang jak kurenane magiliran maan panggilan nyoblos, laut jeg langsung ke bilik suara, buka kertas suara, bleeeeeerrrrrrrrr........... Nah, sing ada tawang nyen ne, hahahaha... jeg coblos, coblos.. coblos....!! Empat kartu makejang macoblos, ada adan calegne, ada partaine gen, ada gambar DPDne. Komplit makejang, semoga ane pilih saya ituni pet prade menek dadi anggota dewan, jeg pang seken2 ngurusin gumi lan ngurusin rakyat! Swaha...!
Sebenarne, caleg-calege jani nak liunan lengit2 sosialisasi, sebates tuun ke masyarakat memperkenalkan diri nak suba aget sebenarne, bisa maan pilihan, cara jani caleg liunan mesuang pipis anggona ngae baliho, iklan di TV jak koran gen! Coba ye iseng jalan2 ke rumah2 warga sambil ngedumang kartu nama, asana pasti kar piliha kin masyarakate, da ja misi ngedum pipis, cukup menebar senyum gen di masyarakat. Cara saya kenal caleg abesik, ento gen, maan ketemu pindo, ajak ngorta nyak luung, sing kenal rakyat cenik kin gede, apin sing ngemaang pipis jeg cara tuni pasti coblos saya. Ne lenan? Liunan tutur ne ba luntur kin teori gen mapolitik puk.
Keto ja pepineh tiange...! (PKJ)
Posting Komentar
Posting Komentar