BUANG laut KUTANG - All get in

Duh dewa,
Kado iluh ngorang sayang,
Kone sayange sakayang-kayang,
Sing ja lakar mabelah pindang,
Taune sayang-sayang kendang,

Dong ke,
Iluh nekain bli tatkala buang,
Bli anggon iluh pacadang kuang,
Ngisinin sakita iluh ne ngrasayang,
Suba luh emed laut bli kakutang.

Jik ping,
Yen suba kene kar kudyang?
Tresnane tuah acegutan babuang,
Demene tuah apakpakan base nginang,
Rasane ene tuah ngae bli sing tenang.

Neh toh,
Jani luh magedi beli sing karunguang,
Ditekan buange dini luh ningkang,
Kenyem-kenyem di aep bli mesbes kutang,
Kudyang bli sing terangsang?
 
Duh lacur,
Makeber semara di duur kasure nglayang,
Bangun kadudut sing sida ngilidang,
Usuh-usuin laut plisahang,
Telah buang laut bli kakutang.
 
 KAR KUDYANG...??
(PKJ)