Uli tunian iseng mbalih chanel Z Bioskop, tongosné pilem-pilem India. Magenepan séh ada pilemé ditu. Seru-seru ceritané. Pemain pilemé masih jegég bagus, sada seksi-seksi gati. Menék bulun kalongé nepukin kain sariné kepurang angin ngungkab bongkol paa. Imih.. dadi makeneh-keneh idéwék. Adi pilem Indonesiané sing ada ané kualitasné kéné-kéné nah? Yén maputer di saluran TV nasional pilemé nénénan, jeg pasti ba telah uyak masensor. Burem-buremanga makejang, uli belahan tangkah, pungsed, bangkiang, apa buin paa. Né lucu buin, kating nyonyon sampi mabureman. Paa Sisuka di pilem Doraémon, ané kasengguh pilem kartun, bareng kena sensor. Sakitttttt.... mula sakittt....!!! Suba sing bérés miriban otak jelemané, kadéna nyak bangun "barang" roangné ulian nyonyo sampi ajak pilem kartun. Hªªhªªhªªhªª
Ndén malu, dadi joh gati suba ortané? Iang anak kar nyatuang pilem India, dadi jeg ke nyonyon sampi lakuna? Hihihi... Lanjut!
Dadi kan kéné, uli tuni iang mabalih pilem India nto, mirib ada telung pilem, makejang pilemné misi magending (jeg suba ciri khas pilem India), misi derama macinta-cintaan, misi polisi, misi tuan takur (penjahat maksud iangé), misi miyegan.
Buka satuané dadi sesenggakan pilem India. Suba suud miyegan, mara polisiné teka. Buina liunan polisiné mihak ne jahat-jahat. Jeg pedalem gati polisi Indiané di pilem, kena kapisuna dadi polisi korup doén. Apa mula asliné kéto nah? Beh iang sing ba nawang.
Ané ngaé iang makebris kedék, unduk miegané nto. Jeg mustahil sajaan, sing nyak adung ajak kenyataan. Buktiné oo, ada unduk anak tendanga bisa kanti ketes kutus méter? Buina gas ketesne misi mapincer-pincer buka salto. Cobak cicing gén ja tendang sekuata, paling banter ketes améter, sing ja nyak misi salto-salto pada. Apa buin yén adegan motor nyungkling ulian tabrakan nto. Masak nyidang motoré salto nang kanti pindo? Buina masak ulian tembakan biasa sing misi ledakan bom nyidang ngaé mobilé jungklang jungkling? Hªªhªªhªªhªª Jeg lebay iang ngeneh-ngenehang adegan action pilem Indiané né! Tetelu mabalih nerét, katelu akéto. Miriban suba pakema akéto pilem Indiané oo??
Kuala sing masih nyidang nyacadin yén unduk satuané. Mula luung.. apa buin yén misi ngungkabang paa... Hªªhªªhªªhªª.
KDI/26-4-16 'PKJ'
Posting Komentar
Posting Komentar