Jagat Maya (Soma) -- Jumah ngelah siap aukud, med ngubuhin ba makelo preténin. Iseng nanjenin anak siap! Aji kuda ya nyak meli? Bani koné aji ulung dasa (80) ker angona kuaah. Behh..!
Ulian pedalem Aba buin mulih, tanjénang sik timpalé, tagih bayaha aji karoblah (150). Nu bakat pedalem, sing bani ngelébang, kondén ka baang.
Iseng posting di FB, jeg ada nak nawah aji limangatus (500), Ada nawah aji telungatak (600). Makesiab bayuné, dadi ngancan ngemaelang ajiné?!
Ulian penasaran, ternyata ada nak nawah mael, kar cobak bin posting di group komunitas ayam Bali meules. Ada né nawah ulungatus (800), sangangatus (900) muah ada né nawah sampe ayuta (1 juta) lakar angona kapentingan upekara koné, suba malingseh ngalihin sing maan. Buka kapelek iya.
Ditu akhirné iraga sadar, di galah nak sing perlu, amongkén ké iraga ngajinin, NU masih tagih mudah misi nawah. Nanging, yén suba perlu, biar mael kal aliha sampe dija-dija. Kadung meli mael.
Kéto masi iraga dadi jelema, amongkén ja hargain! mongken ja polosin! Lamun suba iraga sing demenina, tetep ya sing ngajinin iraga, jeg tetep toliha nista!
Lén yan suba ada perlu, apa ja omongang, apa ja gaé, pasti kal ubera, pasti kal aliha. Makané dadi jlema biar pun sing ada ngajiang, da cenik keneh, pasti ada anak lén né lebih sanget ngajiang iraga, yadiastun sing jani! Buin pidan meski sing dini pasti ditu, cumak masalah waktu lan orang yang tepat.
Kuang lebih ampura, cuman pengalaman pribadi sing ada maksud nyindir siapapun Yén ada kejadian patuh mungkin hanya kebetulan 🙏🙏🙏🙏
--------------------
Nb: Nuduk di Fb, nyén kaden asliné ngelah geguet keyboardé. Blijul maan nuduk di fb né Wayan Luntang Lantung. Blijul sing maan galah nulis, kangoang berbagi doén. Kin ngedit ejaan lan krunané. Sing dadi protés ede nah. Kole nak sedeng kuang ide, lebian nyemak gaé jani. 😂
Artiné apa uli satuané nénénan? Patuh kin satua ané suba biasa baca di sosmed, satua dauh pangkung, unduk anak cenik ané oraina medagang jam kuno ajk bapané, apang maan pipis ayuta. Kasad kisid adepa sing maan aji ané luung, giliran masuk di toko jam tua, tanjenanga jak dagangé, tepukina jak kolektoré, nagih meli lebian kin ayuta. Kéto men sing pelih satuané.
Patuh kin satuan siapé baduur. Inti satuane, iraga lamun pang makeneh maji dadi jelema, tongosang iban naniné, di tongos ané sepatutné ija iraga ajianga. Da ulah laku nongos, negakang jit. Pang da mudahanga kebisan naniné!
Da ulah ngajiang awak, pang payu gén baang ba aji monto. Adah. Prustasi nani to! Da ngadumel, da ngarenggeng, da maseselan di tongosé ento. Kisidang bané. Ada tongos lén ané ngajiang awaké, kebisaan awaké, yadiastun tuah abedik. Monto gén!
Posting Komentar
Posting Komentar