Dumun wénten perang pantaraning Dalem Tarukan lan Dalem Samprangan. Witnyané saking Putran Dalem Samprangan kapaksa kaandegang ring Putran Dalem Tarukan. Indiké punika kauningin olih Dalem Samprangan, punika ngawinang Dalem Tarukan pacang kasédayang. Pamuputné ngumbara désa Dalem Tarukan, nanging ida terus kakepung olih tentara Dalem Samprangan. Sampun nampek niki tentara Dalem Samprangan ngepung Dalem Tarukan raris ida mengkeb di batan biu gedang saba, sané ba duurné wénten kedis titiran lan jali-jali jawa. Kedis titiran punika masuara ”uak, gung, uak, gung.” Pamuputné tentara Samprangan punika mabalik, ngadén nénten wénten Dalem Tarukan i rika. Dalem Tarukan runtuh wecana,”ih iba i biu gedang saba lawan i kedis titiran, lan jali-jali jawa krana cai suba nulungin icang, mani puan terehan icangé lakar tusing baang icang ngedaar cai ajak makejang.”
Sangkaning yusa, Dalem Tarukan lebar. Putran-putran ida raris ngwéntenang upacara palebon. Santukan panjaké sami bakti ring Dalem Tarukan, samian panjakné ngaturang punia, wénten sané ngaturang beras, jinah, prabot. Wusan palebon kari makéh masisa beras lan jinahé, yadiastun sampun kapicayang ring panjak-panjakné. Sampun kénten, jinahé punika kakutang olih putranidané ka tukadé salanturnyané tukad punika mawasta Tukad Jinah. Ring selatnyané wénten Tukad Bubuh, sangkan mawasta Tukad Bubuh mapan sané kakutang i rika wantah beras.
Indiké punika kapireng olih Dalem Samprangan, putran-putran Dalem Tarukan jagi kaajak malih ka puri olih Ida Dalem Samprangan. Nanging putra Dalem Tarukan nénten kayun. Santukan nénten kayun, kapastu raris putran Dalem Tarukan, ”He, putra Dalem Tarukan, uli jani cai tusing dadi nganggo adan Dalem.” Nah niki sampun pertisentanan Dalem Tarukane kasengguh Pulosari mangkin.
Santukan sisan-sisan atos daweg karyané kakutang ka tukadé, puniki raris Dalem tarukan mastu okan-okannyané mangda nénten prasida dados sugih. Sangkaning pastu punika daweg warsa 1975 kawéntenang Upacara Brana Segara irika nunas brana ka segara mangda pastuné punika ical.
Posting Komentar
Posting Komentar