Album Baru Lolot Band "Nyujuh Langit" Sampun Medal - All get in

Saking suene vakum utawi mati suri rauh saking album kaping untat "Saling Caplok" (2007), lan suang-suang personel mamilih bersolo karir, Lolot kaping untat medalang album "Pejalan Hidup (2009)", punika taler Lanang (basis) ring album "Mr. Botak", Donnie lan Denny ring "Rock Avatar". Mangkin penggemar Lolot Band polih angin segar lan toya pelepas dahaga antuk sakeng suene dehidrasi nyantos mawalinyane Lolot Band berkarya  meramaikan blantika musik Bali. Saking informasi twitter Lolot Band (@LOLOT_Official) lan Fans Page facebook Lolotband - 2014, Lolot Band sampun melaunching album terbarunyane "Nyujuh Langit", magenah ring Warung Tengan Bet, Jl. Batur Sari No. 1, Sanur-Bali (28/7).

Bangkitnyane Lolot Band pinaka bukti ring para penggemar, kasujatiannyane ipun kantun eksis berkarya. Bukti puniki kasinahang antuk kumpulnyane para personel lama minakadi Made Bawa alias Lolot (Vocal/gitar), Donnie (lead gitar), Lanang (bass), minus Deny Surya ring posisi drum. Deny durung prasida nyarengin ring album puniki santukan kesibukannyane ring group tiosan, punika mawinan posisi drum kadagingin antuk aditional.

Lolot Band nenten pacang merekrut pengganti, "Biarlah kami bertiga dulu, Bagaimanapun kursi drummer itu sudah menjadi bagian Deny. Jadi kami tidak akan menambah personel baru atau lain. Biarlah kursi itu tetap ada, ya siapa tau kelak Deny memungkinkan untuk gabung kembali, kami akan berempat lagi seperti dulu," tutur Lanang sakadi sane kamuat ring mybalimusic.com.

Ring album anyar Lolot Band puniki madaging 15 tembang, 14 tembang sane katembangang antuk Lolot minakadi : Pesisir Kuta, De Bes Ruwet, Galah Ngelahin Memitra, Meplesiran, Jegeg Bagus Bajang Bali, Boye Kedasarin Tresna, Ngugut Jeriji, Putri Bali, Ngung, Sing Merasa Tua, Tembang Jaruh, Kehalengin Kasta, Capung Gantung, lan Nyujuh Langit sane kanggen judul album. Tiosan ring punika, album puniki kadukung taler olih Tiari Bintang, rabinnyane Md. Bawa utawi Lolot antuk tembang "Ngulat Tresna".
 

Album terbaru Lolot Band puniki sampun prasida kapolihang ngawit Agustus 2014, marupa CD Audio. Tembang unggulan sane kamedalang pertama ring album puniki wantah "Ngutgut Jeriji", tembang puniki sampun taler kekaryanang video klip. Sane menarik, tembang puniki ngalanturang carita tembang "Tresna Memaksa" hits kapertama Lolot Band ring album "Gumine Mangkin (2003)".

Uratiannyane ring para penggemar lagu Bali mangda numbas album aslinyane, sampunang numbas sane bajakan ngih, indike puniki kanggen mendukung seniman iraga mangda sida tetep berkarya ngajegang budaya Bali. (PKJ)