Satua Bali Nuju Lebaran - All get in

Buin mani tanggal dua lapan,
Dagang jawane suba sepi uli puan,
Nyama Islame ngerayaang Lebaran,
Hari raya ane tekane ngatiban.

Makejang mudik dagang baksone,
Keto masih dagang lalapan lan sate,
Ngebekin terminal muah pelabuhane,
Pagrenot ngaba hasil uli pecel lele.

Nyama Baline jani inguh ngaba basang,
Asal suba nuju lebaran dagange ilang,
Sing ada nyama jawane madagang,
Basang seduk nuju peteng ngae uyang.

I Dogler nengeng matungked bangkiang,
Ngoraang kone iraga patut liang,
Mapan Bali sing opek uyak pendatang,
Kone nyama Bali patutne jani madagang,
Mapan jani suba ada peluang,
Geser ia pang sing ngelah tongos dini maguyang,
Nyama Bali kone wajib bareng madagang.

Munyine I Dogler suba biasa dingeh ngatiban,
Keto-keto doen sing ja ada perubahan,
Jeg suba ja Bali buin uyak pendatang suud lebaran,
Ngancan rame ia teka ngajak kantenan,
Pak Lik, Buk Lik, Mas budi lan mbak yu buin ngebekin jalan,
Madagang bakso, sate, muah lalapan,
Nyama Bali buin pagrunyung mablanja cara nyawan,
Kone ayam goreng lan sambel mbak yu jaenan,
I Dogler cemoh-cemoh bungutne nyiup kuah bakso Mas Yayan.

Satua I Doglere luntur nyabran raina,
Munyine ngarepet tindakane tuna,
Hehh...!!!

PKJ.