Jaman cara janiné liu anaké dot sugih, apang nyidaang sakancan keneh sida kaisinin. Apa buin jaman modern cara jani, bedik-bedik pipis tagiha. Ya dot sugih, Sakéwala sing bisa ngajiang pipis. Ané madan sing bisané? Kapertama, Ngelah pipis dasa tali, nagih makan di restoran, ngelah pipis séket tali, nagih meli baju né ji satak tali. To madan sing bisa ngajiang pipis. Sapatutné iraga bisa ngajiang lan nongosang pipisé, ngelah pis dasa tali, kanguang makan di warteg, basang wareg, sing buin misi nganggeh. Ngelah pis séket tali, kanguang meli baju ane aji petang dasa tali, nu bana masisa buin dasa tali, nu nyidang anggon makan di warteg buin. To madan seken ngajiang pipis ané beneh. Sing mangkuh cara janiné ngulurin nomo!
Ané nomor dua, ané madan ngajiang pipis, patut iraga bisa nyayangang pipis, yén dot apang ngelah. Ané mmadan nyayangang? Yén mablanja, beli barang-barang ané seken-seken perluang. Da bana meli barang ané tusing ja urgent! Contoné, suba ngelah baju tetelu, buina enu anyar, buin meli baju. Ento sing ja maguna sajaba ngebekin lemari
Buin besik, ané nomor telu, yen iraga ngelah pipis, nyimpen pipisé melahang. Yen ada dompet, di dompété jang pipilang melahang Da cara nyemak pipis susuk parkir, jeg nyemak pipis bejek-bejek, nyelepang ka kantong ulah laku. Apa buin pis geles, siuan, duang talian, limang talian. Jemak, bejek-bejek celep ka kantong. Buka sing maji pipis siuané ento. To madan sing sayang kin pipis. Yadiastun ia siuan, asal suba melaang ngejang, apik munduhang, yen ba liu mapupul nak ngelah aji gedé.
Yén suba apik ngejang pipis, nak sayang pipisé ajak gustiné, dadiné goloh teka rejekiné nekain. Sakéwala, yen gustiné sing bisa ngajiang pipis, sinah lakar keweh teka pipisé suudné, apa makrana kéto? Mapan trauma pipisé bejek-bejeka. Sangkalanga yén iraga dot sugih, liu ngelah pipis. Iraga suba oraina, sayang-sayangang tiang gusti, apikang tiang ngejang, yén suba apik, pedalem mlanjaang, sinah tiang mapupul dadi liu!
Toh, kéto kasuksmané. ^^
(PKJ'14)
Posting Komentar
Posting Komentar