Kangen Mulih Ka Bali - All get in

Dini tongos tiaangé jani,
Di gumi anoa Sulawesi,
Ngalih pangupa jiwa adané dini,
Apang nyidang meli nasi,
Turmaning ngisinin ambek di ati,
Apang sakancan kita sida misi,
Sambilang masih munduhang sari,
Apang nyidang mulih ka Bali,
Nengokin nak tua luh muani,
Mapa seger mapa gelem jumah di Bangli,
Kangen atiné dot pesan malali,
Yen sida baan apang nyidang enggal mutasi,
Mulih tiang enggal ka Bali,
Ngajak pianak muah stri,
Ngayahin i mémé lan I Bapa jumah pedidi,
Mapunduh bareng ajak i beli ajak i adi,
Apang tusing kenehé satata nyapnyap di ati,
Yén subaa jumah pastika bayuné asri,
Degdeg keneh ngayahin nak tua di Bangli,
Tiang kangen Bali.

SANISCARA, 28/11/2014
PKJ