Suba telu bulan pulo Sumatra muah Kalimantan kaliput baan andus. Andusé mawit uli alasé. Alas ané telah katunjul. Katunjel mapan lakar kaolah dadi tegalan. Tegal ené sing ja lén wantah tegal sawit.
Ulian Sawit ané kocap nyumbang devisa besar bagi negara, nyerap tenaga kerja ribuan orang. Indonesia kocap silih tunggil negara pangekspor minyak sawit terbesar di dunia. Kebutuhan lengis pabrik (sawit) ne liu, ngawénang pemerintah ulah elah, ulah aluh mesuang ijin pembabatan hutan dengan cara di bakar.
Yen aliang ketékan melah, liunan nu ruginé ketimbang untungné. Apa doén nto?
1. Iraga kélangan pabrik oksigen makudang-kudang hektar, bisa2 iraga kar ngimport oksigen galon bilang wai.
2. Hutan ilang, penyerap air ujan ilang. Kudyang baan megae? Jeg kar uyak kemarau panjang suba dadine. Apa buin sawit ngisep yeh paling liu.
3. Tanah ane suba bekas taneman sawit umur 30 tiban suba sing dadi tanemin apa.
4. Para beburon tusing ngelah umah, tongos ngalih amah, apang nyidang idup. Nak tusing padidi idup diguminé, ajiang masih i beburon.
Nyak cara jani andus telah ngelikub ngebekin palemahan, nyajaang ngliunang kerugiané;
1. Perekonomian lumpuh, utawi tersendat, umpaminé, bisnis penerbaangan terganggu, kargo terganggu, msl.
2. Kesehatan memprihatinkan, ngancan liu nak kena penyakit hispa apa adané, gangguan pernapasan nto, asma, muah ané lénan.
3. Uli pendidikan, kudang murid sing nyidang mlajah? Ngancan belog generasi iragané yén sing mlajah.
To mara amonto, nu ada buin kerugian-kerugian ané lénan ulian kabut asap ené. Suba makudang-kudang triliun kadén kerugiané ené!
Néh, cén liunan ngerugiang jani? Sawit? Apa sing ada sawit? Liunan ruginé kén untungné!
Néh toh, keweh baan minehin jani? Jani suba lantas kené, langit sengeh ulian andus, kapal terbang sing bani kija2, kar kudyang?? Ujan keweh tuuné! Nak sakit ngancan liu.. béh.. béh.. béh.. (PKJ)
Posting Komentar
Posting Komentar