Puisi Bali Anyar atau Modern - All get in

Bapa

Olih : I Made Sartawan, S.Pd.

Peteng lemah bapa ngutang peluh matah
Sing taen jumah apang maan upah
Yadiastun kapah ngoyong jumah gelah
Kenehe jengah
Ngarepang tiang apang nyidang masekolah
        Apang tiang ngelah genah
        Pakaryan sane becik tur melah
        Laksana melah digumine wayah
        Manyama braya apang elah
Rahajeng, rahayu kaaturin manah
Mangda bapa setate seger sane katunas
Tuah bapa sane kagelah
Mogi tiang sareng bapa nenten palas

Suksma Guru

Olih : I Made Sartawan, S.Pd.

Guru sane sampun ngajahin iraga sastra

Ngajahin matembang

Ngajahin memaca

Ngajahin manyurat
       Guru sane sabilang wai nuturang

       Lan jani tegarang
       Guru sane sabilang wai ngajahin
       Sastra sane patut ka tindihin
Suksma guru
Tuturan sane patut karungu
Edapesan iraga ngagu-ngagu
Ape buin nyape kadi aku